Bertin 生日當日適逢Labour Day長週末﹐做就我地兩母子可以日夜相對三日﹐已經係最wonderful 既巧合安排﹗

見 Bertin 兩歲﹐媽媽特意拎左個小背包俾佢隨身帶住自己心愛小玩意﹐佢一味話“袋袋“ ”靚呀” ﹐好鐘意。 見佢偝袋袋個樣﹐驚覺人仔好似大個仔好多﹐已經係個帥氣小男生啦﹗

中午﹐我地相約婆婆﹑姨姨飲茶。有親愛既人o嚮身邊﹐又有最愛既叉燒包食﹐Bertin 已經巧開心。。。 小朋友係咁就簡單﹗﹗姨姨送o左一份好有意思既生日禮物俾 Bertin﹐係一本紀念薄﹐記錄住Bertin 由出生到人仔一段又一段既心跳回憶﹐有紀念性o既相片﹐好多謝姨姨既心思﹐相信 Bertin 大個睇番一定會好有意義﹗﹗﹗

收左禮物﹐食飽飽﹐我地同婆婆姨姨分道揚鑣﹐出發去今日o既目的地啦﹗﹗

媽媽想俾個驚喜Bertin﹐呢日就帶佢去早就打算去既Kerrisdale Palace 玩個痛快﹗﹗可能飯氣攻心﹐Bertin 嚮車程裡面已經訓著左啦﹗雖然訓訓下被整醒﹐Bertin 見個樂園咁多野玩又多小朋友﹐就開心晒。。。小朋友有得玩就無投訴啦﹗玩滑樓梯﹐玩“飛車” 。。。﹐又玩波波﹐興奮到非常﹗玩左成個下午﹐nap time 時間都遲晒 Bertin都無扭計﹐到我話要Bye bye 要走啦﹐先依依不捨離開﹗

本o黎Bertin 生日﹐我都有打算同朋友攪個生日會﹐亦有好多其他打算。。但到最後﹐我反而覺得反樸歸真最適合﹗呢晚我同Bertin 二人世界﹐食食媽媽親手煮o既生日大餐﹐切切生日蛋糕﹐齊齊唱生日歌﹐簡單快樂﹗﹗

相信人仔長大後﹐生日派對會有好多﹐可能與媽媽一齊慶祝生日既機會會隨住年長而變得微乎其微。。。

二人世界﹐相信第日一定唔會係同媽媽啦。。。真係要好好珍惜呢D 時光呢﹗