隨住Bertin 日漸長大﹐距離番學讀書既時候越來越近﹐媽媽就越來越擔心。怕人仔唔習慣與其他小朋友相處﹑唔適應番學既模式﹐所以決定同佢報番Playgroup。

考慮左好幾個唔同類型o既Playgroup﹐最後選擇o左附近社區中心呢個名為"Musical Munchkins" o既class﹐有見Bertin 愛好唱歌跳舞﹐就投其所好由齊齊唱歌仔跳跳舞開始﹗﹗

呢日媽媽單人匹馬帶Bertin 上堂﹐要陪玩之余唔能夠兼顧到影相﹐只係拍到一條片咁大把﹐好過無啦。 

Miss 唱o既全部都係英文歌仔﹐大部份我都無同Bertin 唱過﹐可能係咁所以唔係好投入到。不過有成班小朋友齊齊唱﹐有得唱唱跳跳寥勝於無啦﹐我看得出人仔都有嘗試﹐有儘量投入架啦。

媽媽後感﹕ 堂上氣氛良好﹐老師係華裔年輕女生﹐好Nice﹐那倒比較好﹐Bertin 學英文之余﹐又唔會害怕 (面對金髮外國人﹐Bertin 會不安)。其他家長都表現友善﹐大部份都好投入參與。第一次參與上堂﹐有媽媽在場﹐氣氛又唔錯﹐人仔都無話驚驚。觀察到人仔如果嚮個陌生環境﹐會好收斂。Miss 派玩具﹐見有其他小朋友爭先拎就只會讓開俾人拎先﹐自己反而會避開。我唔覺得佢係禮讓﹐反覺得係不安既表現﹐會繼續加以觀察。 小朋友需要長D 時間warm-up﹐希望下次會表現得更好﹑更投入。

下堂之後﹐去停車場途中﹐Bertin 見到個度既小Playground 雙眼發光﹐話要“公園” 就同俾佢玩左陣﹐始終跑跑跳跳小朋友就至開心﹐或者大個D 媽媽再同佢報多個Little Kickers / Preschool All-Sports﹐ 等佢跑餐飽消耗下D 精力都好﹗