終於我地換o左架新車﹗﹗

我地架車一直都係做lease﹐貪唔使煩maintenance 四年後還車﹐又可以用新車 (貪心忘舊﹗)。 今年剛好第四年﹐要考慮換咩車。其實對車﹐我一直都無什麼心得﹐但求行得走得user friendly 就OK﹐所以揀車既責任就落在爸爸身上﹐中正佢下懷而我又樂得不用理﹐雙贏﹗ 月前﹐爸爸同我就已經有左決定﹐落埋deposit﹐琴日爸爸終於去o左出車啦﹗ 呢架車最令我滿意﹐除左係外形靚外﹐就係佢o既Keyless system。車主只需袋住車匙﹐就可以開車鎖﹑撻車到鎖車門都不用拎出車匙﹐簡直係我地要湊住小朋友四隻手都唔夠既父母們o既恩物﹐方便好多。車窗玻璃係防紫外光o既﹐唔怕晒親小朋友。

新車落地﹐難得天氣又正﹐當然要去影相留念啦﹗﹗

人仔一上新車﹐就對車廂上方o既藍色燈仔好有興趣﹐不斷就話俾我知“燈燈”“靚呀﹗” 又不停週圍望﹐表現興奮﹗ 邊坐新車邊聽歌﹐感覺如何... 人仔話要親自示範要...﹗

呢首歌好舊o下啦wor﹐人仔竟然都可以咁投入﹐fing 晒頭﹐果然似媽媽咁...有Taste﹗﹗哈哈..﹗

我地去o左私人飛機場附近影相﹐貪人流少地方夠大﹐可以盡情影都無有怕﹗

就算唔o嚮現場﹐淨睇相都知道呢日好大風﹐吹到人仔變左超級撒亞人頭﹗為免大家冷親﹐我地影o左一陣就開餐去。 我地選擇左位於Harbour Air seaplanes 旁o既Flying Beaver Bar & Grill 食午飯。呢家餐廳專係為乘坐seaplanes o既乘客而設﹐亦歡迎walk-in。平日爸爸與我間唔中都會o黎同朋友happy hour﹐食雞翼飲highball 傾下計﹐同人仔o黎係第一次。人仔可以近距離睇至愛o既“飛機”﹐當然興奮啦﹐見到飛機就不斷嘩聲連連﹐大叫“飛機”“好大”“好多”咁﹐逗得鄰檯既人客都笑起o黎﹐話佢好cute﹗ 

呢日﹐我同爸爸當然有order 最愛既honey garlie & terriyaki 雞翼啦﹐仲拆肉俾Bertin 食添﹐人仔不知食得幾知味﹗算佢識食啦﹐雞翼乃人間美食嘛﹗Bertin 呢日胃口唔錯﹐除左雞翼之外﹐仲食左好多露筍同一碟仔飯添﹗

遊完車河﹐食飽飽﹐唔知Bertin 呢日過得滿唔滿足呢﹗﹗