八月二十一號﹐大溫聯線既Canada Line 架空列車正式啟用。呢一個耗資巨款既龐大交通工程﹐係為左溫哥華2010 年冬季奧運會而興建既。Skystrain 連接起Richmond 與Vancouver 兩大城市﹐由YVR 機場到溫市中心只需要大概二十五分鐘車程﹐以應付預計於冬季奧運會期間既大量人次...。

呢一日爸爸突然心血來潮﹐話飲完茶不如帶人仔去遊"Skytrain" 車河。媽媽日日番工放工都搭就當然毫無新鮮感啦﹐但見爸爸一面興奮﹐Bertin 又未坐過﹐就當然無say No 啦... 結果上演左一幕“一家三口大鬧Canada Line”﹗﹗

我地泊低架車﹐由列市出發首先乘YVR 那班列車到機場兜過圈﹐再由機場乘往Waterfront 那班列車到Vancouver City Centre﹐之後就搭番去列市尾站既列車番Richmond 攞車。

本黎一切都好完美﹐有車車有街景睇﹐新奇刺激﹐人仔都好enjoy﹐仲擺post 影相添。

之但係... 我地遊左成個幾鐘車河﹐有人新鮮感不再﹐過o左溫哥華個邊更全程地底行車無景睇﹐已經開始無聊﹐要同媽媽唱歌仔以慰寂寥。 搭到列市要轉車去總站﹐人仔睡魔急call 控制唔到情緒大發脾氣﹐雖然只係三個站人仔都頂唔順狂叫“奶奶”(即係要訓覺﹗) ﹐情況一度混亂.... 認真係臨尾香﹗

難得無聊爸爸竟然忙裡(明顯係得我忙...﹗) 拍抵整個發爛查過程﹐發惡經過﹗ 而家證據確鑿﹐人仔無得抵賴啦﹗ ﹗

唔... 難得帶你去遊﹐偏偏就表現最唔乖既一面... 呢云真係醜C 鬼啦﹐ 問你仲敢唔敢﹗﹗