近排可能轉天氣﹐好多人都病倒﹐連平日甚少生病既婆婆都打敗仗﹗
我同爸爸商量多留Bertin 一晚﹐好讓婆婆好好休息多一晚....﹗﹗
結果﹐呢一日係一個好特別o既早上﹐媽媽第一次有爸爸同Bertin 仔送我番工...。
媽媽番八點鐘﹐平常七點鐘就要起床﹐而Bertin 通常會訓到成九點。所以計劃係自己起床番工﹐由得佢地兩仔爺繼續訓覺﹐Berin 訓醒後就輪到爸爸接班照顧多一會至車佢番去。
點知我個鬧鐘一嚮﹐人仔就扎醒﹐俾奶奶哄人仔番訓就用左我成十五分鐘﹐令我失晒預算﹗ 心知不妙實遲硬到﹐極速去梳洗﹑整裝﹐突然聽到房外轉來喊聲﹐原來有人無啦啦自己醒左發現媽媽不見啦﹐就出黎揾我﹗ 媽媽就話要番工先要咁早起身者﹐人仔都唔知點解有覺訓... 見人仔睡眼惺忪唔夠訓個樣﹐都好唔忍心﹗見人仔訓醒左﹐我又趕住番工﹐爸爸話不如車我到Skytrain 站等我可以趕到班車﹐準時到downtown 番工。有爸爸同乖仔送番工﹐媽媽當然開心啦﹗﹗Bertin 第一次目送媽媽番工﹐要同媽媽講bye bye 都無話扭計﹐雖然不捨都好乖咁講bye bye﹐送上情深一吻後媽媽都急忙趕路啦。
慶幸On time 番到公司﹐打開 working email 竟然見到爸爸由blackberry send 過o黎既呢張相...
原來兩父子與一uncle 去左食粥仔﹑腸粉﹐仲食左大大碗添﹗ 見到心肝寶貝﹐媽媽心都甜埋﹗ 呢一日﹐心情好工作特別順利﹗﹗心肝﹐你可知道.... 雖然只係平平無奇o既小事﹐但身邊有您﹐一切都變得特別有意思﹗﹗﹗
