香港新浪網 MySinaBlog
« 上一篇 | 下一篇 »
QQ 媽咪 | 7th Mar 2011 | 小寶寶日誌 | (217 Reads)

回看自己的blog﹐上一次為Bertin 寫的記錄﹐經已是大半年前了﹗都怪媽媽﹐每天忙忙忙﹐總是騰不出時間去為小人記錄成長進程。生活磨人﹐沒法一點一滴記錄低有關他的進程﹐一萬個無奈。他的一切﹐只能默默的記進媽媽的腦海。 

三歲半的他﹐活潑好動﹐時不講理時又懂事非常﹐感性敏感﹐識時務﹐好學聰敏﹐典型的happy boy﹗所謂三歲定八十﹐他的性格大概由小開始成型了。

友誼篇

去年六月入學至今﹐已經九個月了。由之前無投訴﹐到而家間中會對我要求唔番學企圖訓多陣玩多陣。惰性人人皆有﹐媽媽完全明白(有時我都想唔番工放日假﹗) 雖然如此﹐他的校園生活是愉快的。三月開始﹐他被學校安排由Class 2 Class 1﹐是升班到Advance class了。雖然被挑中升班了﹐他卻不開心。上Class 1 的首天﹐當晚我們pillow talk 時他對我說媽媽﹐我 sad 呀。我唔要Class 1Class 2我問點解呀﹖他答我掛住 friends… (下數一串同學仔名字)   媽媽頓時大悟﹐自己的小人已經有朋友仔﹐而且會牽掛他們﹗原來他在校園當中不經不覺已經建立了友誼﹐“ friendship 這個term經已在他的小心靈裡萌芽了﹗ 

媽媽重視的並非他是否成為高材生﹐他開心才是我最想見到的。為此﹐媽媽有向學校反映小人的心聲﹐校方表示樂觀﹐相信隨著他認識新朋友後情況會好轉﹐並答應會對他的情況加以留意。   

Picture

感性篇

隨住小人耐性漸長﹐開始肯陪媽媽看看電視劇﹐有時我們會邊看劇邊親子教育。看到壞蛋電視角色﹐他會咬牙切齒﹑手舞足蹈的說哥哥唔乖﹐唔同佢玩” “打﹗媽媽見他如此投入﹐會乘機以此壞榜樣教育他﹐此行為要不得。 有次看到劇中情侶錫嘴﹐意料不到他會反應如此大。他望住我話﹐姐姐哥哥kiss kiss 呀﹗﹗﹗我強作從容回答他係呀﹐哥哥姐姐是couple﹐好似爸爸媽媽咁。 除了couple 外﹐媽媽爸爸都會kiss Bertin﹐但朋友仔就唔會kiss 嘴嘴了 。他聽罷 哦﹗﹗完唔知明白幾多﹐媽媽就一額汗﹗是時候讀多D 呢方面的分享了﹗    

但更令我意外的是﹐某日與他齊齊看他超喜愛的花見” (他稱Arigado) 。其中一段講大魚那角色變得偏激而眾背親離﹐連親母都生他氣了。他看到那一幕﹐眼仔都紅了眼泛淚光﹐然後過來抱住我說媽媽﹐我好錫你﹗  那一刻﹐我被他打敗了﹐眼淺的我淚流披面。 好一個感性的小可愛﹐媽媽如何可以不愛你呢﹗

Picture

懂事篇

與爸爸分別至今﹐已經三個月了。開頭成日會問爸爸這﹑爸爸那﹐後來日子久了習慣了﹐會告訴別人爸爸返香港番工。會有掛念爸爸的時候。忘不了某夜pillow talk﹐媽媽說錫晒Bertin﹗他自顧自說都自己好錫媽媽錫爸爸。停頓一會之後話但係﹐我無爸爸錫我。當時熄了燈﹐否則我相信他的表情是不開心的。我那一刻心好痛好痛﹐心疼他的懂事﹐心疼他缺少了屬於他的父愛。

媽媽告訴他﹐爸爸都好錫好錫佢。就是因為疼愛他﹐所以要返香港番工掙錢錢買mum-mumBertin 食。他道他知道了﹐現在日日倒數﹐還有幾多天可以搭飛機返香港見爸爸。  

Picture

管家篇

小人自小管家﹐尤其喜歡管媽媽﹗隨著小人表達越來越準繩﹐媽時不時被他弄得哭笑不得﹗小人喜歡囉唆媽媽開車。媽媽開車時﹐不時會聽到後座傳來“red light stop ” (係啦﹐咪停緊囉﹗﹗) “Go 啦﹐媽媽﹗green light 啦﹗” (下﹐前面有好多車呀﹐亞仔﹐會撞車架﹗)”唔好 fastslowly 啦﹗” (fast 啦﹐我地開緊highway 呀﹗)”媽媽講o野好衰呀﹗(媽媽知道啦﹐但o個個叔叔開車唔乖嘛….Sorry !) 

興趣篇

培養良好閱讀書寫興趣﹐這歸功公公自小耐心教導。令他愛上書寫愛上書本﹐對Alphabets vocabulary 的敏感度過人。連校方都讚賞他的書寫閱讀能力﹐安排他升班。因為他喜歡書本﹐媽媽亦樂意投資﹐不時透過校方訂購一些圖書給他。每晚﹐他都期待媽媽為他閱讀兩本故事書。 Bed-time story 時間﹐就是屬於媽媽與他的親子時間﹐值得珍惜的好時光。

書本以外﹐近來開始學會打機﹐一個媽媽不太鼓勵的動作。可惜﹐這時代的小朋友與電子產品的聯繫難以割斷﹐唯有給予他一些規矩限制﹐萬萬不能沉迷。  由開始玩媽媽手機裡的游戲﹐到而家玩NDS games。喜歡的游戲包括﹐Cooking MamaMario (他稱行行” game) 等。   

Picture

自理篇

專業實在不一樣﹐小人除了在學校求知識外﹐最重要的是學會生活自理。升上Class 1 之後﹐老師會要求他更獨立。不少我平日以為他做不到的﹐他在學校都會自己做。好明顯他平日在家只是懶惰﹐大安旨意有人幫他做﹐並非自己做唔到。可惜﹐媽媽成日唔低得等唔切﹐二話不說自己做了。大概這是媽媽切記要戒的事﹗  

母子篇

自小與媽媽特別投緣的小人﹐自從爸爸返港工作後就與媽媽相依為命﹐關係出現一點微妙的變化。 對住精力爆膨﹑愛好無拘無束的小人﹐媽媽為著要引導他安排他﹐無可奈何變身黑白天鵝。上一陣子糖黐豆﹐下一秒兇巴巴﹐囉唆他這﹑囉唆他那。一人同時要擔當黑臉和白臉﹐在慈與嚴之間拿捏一個平衡點 ﹐實在好有難度﹐有排學﹗﹗﹗

Picture


[5]

bertin真係好感性, 比著我係你我會喊得好勁...

會掛住最愛既爸爸是必然的, 不過bertin都好懂事, 可能佢都feel到你既情緒會因為爸爸不在身邊而唔開心, 唔想你擔心啦. 咁仲有幾耐爸爸先完成工作可以見下面呀? 有無用視像通話之類, 可以比bertin同爸爸面對面傾下計呀?

哈哈, 黑白天鵝我都成日做, 一齊努力啦!

Maggie
[引用] | 作者 Maggie | 24th Mar 2011 | [舉報垃圾留言]

[4]

好詳細的記錄!我地呢d雖然係閒人,但都無你記得咁詳盡細緻,重質不重量呢~

Bertin果然係叻仔!又靚仔又感性,ee唔做你fan屎都唔得!

返香港有無時間同戰隊聚一聚呢?

Can
[引用] | 作者 Can | 15th Mar 2011 | [舉報垃圾留言]


別這樣說﹐Can ﹐ 大家係在職媽咪﹐可以做的有限﹐盡力而為而已﹗

我都希望可以大家聚一聚﹗我們只回來三個多禮拜﹐只有三個weekend ﹐會有一個weekend在澳門﹐看時間吧﹗不如大家“面書” 聯絡﹐我會留低聯絡電話俾大家﹐希望約得成~﹗

[引用版主回覆] | 作者 QQ 媽咪 | 21st Mar 2011

[3]

加油呀黑白天鵝唔易做,qq媽咪你一定掂嘅!! 落雪個張Bertin笑得好可愛呀!!

莎莉蛋糕
[引用] | 作者 莎莉蛋糕 | 15th Mar 2011 | [舉報垃圾留言]


謝謝你呀﹐莎莉﹗﹗我會努力﹗落雪景致好美﹐可惜我無你地攝影的本事﹐浪費了美景﹐幸好捕捉到他的笑面~ ﹗

[引用版主回覆] | 作者 QQ 媽咪 | 21st Mar 2011

[2]

woo...好詳細的記錄呢!!! 我份人好冇記性, 好難可以寫得你咁詳細呢!!!

感性方面, 的確令人有點窩心, 不竟, 你和Bertin 很多時也是2人生活, 所以你的角色對他真的非常重要呢! 嵐嵐都有過類似的情況, 其實, 我當時也非常感動呢^v^

你們很快就回港了, 很快又可以一家人團聚了 ^v^

hazel 媽咪
[引用] | 作者 hazel 媽咪 | 14th Mar 2011 | [舉報垃圾留言]


Hazel 媽咪﹐歡迎到來探訪呢﹗
OK 啦﹐其實我真係無太多時間上網寫blog﹐時間都被他差不多全部佔據了。所以可以寫的話﹐都儘量寫下我想記低的﹐生怕遺漏。
我都知道﹐兩人的世界雙方都在對方心中舉足輕重﹐何況小人自小就特別mommy boy 添。是的﹐快回港了﹐終於可以團圓了﹐好期待﹗﹗

[引用版主回覆] | 作者 QQ 媽咪 | 21st Mar 2011

[1]

加油! 希望四月快啲到!!!


[引用] | 作者 Spen | 12th Mar 2011 | [舉報垃圾留言]


Thanks Spen, I will be arrived HK on Mar. 23 ar!

[引用版主回覆] | 作者 QQ 媽咪 | 13th Mar 2011